ERASMUS MUNDUS

Манай хамт олноос гадаад харилцаандаа баримталж байгаа зарчим болон хэрэгжүүлж байгаа үндсэн бодлого бол дэлхийн нэр хүндтэй сургуулиудтай солилцооны хөтөлбөр, төсөл хэрэгжүүлэх замаар багш, оюутан, ажилтнуудынхаа мэргэжлийн болон хувь хүний өсөлт, хөгжлийг дэмжиж, үндэсний дээд боловсрол төдийгүй улсын хөгжилд хувь нэмрээ оруулах өндөр мэдлэг, чадвар, хандлагатай мэргэжилтэн, багш, судлаачдыг бэлтгэх явдал юм.

Энэхүү бодлого, зарчмын хүрээнд бид 2014 оноос Европын Холбооны дээд боловсролын тэтгэлэгт солилцооны ERAMUS MUNDUS MOBILITY ASIA /EMMA/ хөтөлбөрийн Монгол Улс дахь түнш байгууллагаар сонгогдон ажиллаж, уг хөтөлбөрийн хүрээнд 30 гаруй багш, оюутнууд Франц, Итали, Польш Улсад амжилттай суралцуулаад байна.

Европын Холбооны “Erasmus Mundus Mobility with Asia” хөтөлбөрийн хүрээнд “СИТИ” Их сургууль дараах төслүүдийг амжилттай хэрэгжүүлж байна. Үүнд:

  • 2013 оноос Францын Ницца хотын Софиа Антиполис их сургуультай хамтран Дээд боловсролын тэтгэлэгт солилцооны Eramus Mundus” хөтөлбөр;
  • 2016 оноос “Их сургууль, бизнесийн байгууллагын түншлэлийг бэхжүүлэх Erasmus+” төсөл;
  • 2017-2018 онд “Ажил эрхлэлт ба мэргэжлийн өсөлтийн талаар их сургуулиас үзүүлж буй үйлчилгээний менежмент” төсөл.

Төслийн талаарх дэлгэрэнгүй мэдээллийг Та “СИТИ” Их сургуулийн Гадаад харилцааны албанаас аваарай.

Танд амжилт хүсье. Баярлалаа.