СИТИ их сургууль жендерийн эрх тэгш байдлыг хангах чиглэлээр өргөн хүрээний бодлого, хөтөлбөр хэрэгжүүлж байна. Эмэгтэйчүүдийн боловсрол, манлайллыг дэмжих, ялгаварлан гадуурхалтаас урьдчилан сэргийлэх, ажил мэргэжлийн тэгш боломжийг бүрдүүлэх бодлоготойгоор ажиллаж, “Эхийн бодлого” болон “Эцгийн бодлого”-ыг хэрэгжүүлж эхэлсэн нь онцлох ач холбогдолтой юм.
Мөн эмэгтэйчүүдийн оролцоог нэмэгдүүлэх, тэдний төгсөх магадлалыг сайжруулах зорилгоор олон төрлийн дэмжлэг үзүүлж, нийгмийн тогтвортой байдлыг хангахад хувь нэмэр оруулж байна.
Манай сургууль элсэхийг хүссэн эмэгтэйчүүдийн өргөдөл буюу хүсэлтийн хувийг
- Өргөдлийн өгөгдөл цуглуулах
- Эмэгтэйчүүдийн элсэлтийн хувийг элсэлтийн хувь хэмжээг хэмжих аргаар гаргаж элсэлтийн түвшинг системтэйгээр хэмждэг.
СИТИ их сургуулийн “Хөдөлмөрийн дотоод журам”-д заасан нийт 4 заалт бүхий тусламж дэмжлэгийг эмэгтэй багш, оюутнууддаа үзүүлдэг. Үүнд:
- Тэтгэлэг, санхүүгийн тусламж,
- Эмэгтэйчүүдийн лидерийн хөгжлийн хөтөлбөр,
- Оюутны дэмжлэгийн төв,
- Багшлах мэргэжлээр суралцагч эмэгтэйчүүдийг дэмжих зэрэг болно.
Эдгээр өргөн хүрээтэй арга хэмжээ нь эмэгтэйчүүдийнхээ ажил амьдралыг дээшлүүлэхэд багагүй тус болж байна. Бид тус сургуулийн дуулаач, архитектур, барилга инженер, программ хангамж, график дизайн, интерьер дизайн зэрэг эмэгтэй суралцагч бага элсдэг хөтөлбөрүүдэд элсэх өргөдөл гаргагчдын хүсэлтийг онцгой дэмжин шийдвэрлэдэг. Тухайлбал ЭЕШ хэрхэн бэлдэх, ур чадварын шалгалт өгөхөд нь тусалсан чиглүүлэх тусгай сургалтууд, мөн элсэлтийн бүртгэлийн хураамжаас чөлөөлдөг.
Дурьдсан хөтөлбөрүүдэд элсэх эмэгтэй оюутнуудад хандсан суралтчилгааны ажлыг өргөжүүлж, мэргэжил сурталчлах өдөрлөг, телевиз болон олон нийтийн цахим сүлжээг ашиглан мэдээлэл, зөвлөгөө өгдөг. “Монголжингоо” эмэгтэйчүүдийн холбоо ТББ-тай хамтран зохион байгуулсан урлаг соёлын үйл ажиллагаанд идэвхитэй оролцсон 2 эмэгтэйг дуулаачийн хөтөлбөрт элсүүлж сургалтын төлбөрийн хөнгөлөлт үзүүлсэн. Ингэснээр эдгээр хөтөлбөрүүдэд элссэн эмэгтэй элсэгчдийн тоо 15%-аар нэмэгдсэн. “Ялгаварлан гадуурхалт, дээрэлхэлттэй тэмцэх, түүнээс урьдчилан сэргийлэх журам”-ыг Хууль зүйн сургууль эрхлэн боловсруулсан.
Манай сургуулийн “Ялгаварлан гадуурхалт, дээрэлхэлттэй тэмцэх, түүнээс урьдчилан сэргийлэх журам”-ын 1.3-т зааснаар эмэгтэйчүүдийг ялгаварлан гадуурхахын эсрэг бодлого баримталж, энэ тохиолдолд 2.2-т зааснаар холбогдох арга хэмжээг нэн даруй авч, зохих шийдвэр гарган ажилладаг.
1.3. Ялгаварлан гадуурхалт гэж хүмүүсийг арьс өнгө, хүйс, нас, шашин шүтлэг, нийгмийн гарал, иргэншил, биеийн болон сэтгэл санааны хэвийн бус хөгжил, эд хөрөнгө, гадаад төрх, бие махбодын байдал, бэлгийн чиг баримжаа гэх мэтээр ялгаварлан шударга бус эсвэл өрөөсгөл байдлаар ялгаж үзэхийг хэлнэ.
2.2. Ёс зүйн хороо гомдол, мэдээлийг хүлээн авснаас хойш ажлын арван (10) өдрийн дотор шийдвэрлэн, хариу өгнө. Гомдол хангалттай үндэслэлтэй байна гэж үзвэл зохих арга хэмжээ авах талаар шийдвэрийг бүрэлдэхүүн сургууль, албадад хүргүүлнэ. Шийдвэрийг бичгээр гомдол гаргагчид 1 хувь хүргүүлнэ. “Ялгаварлан гадуурхалт, дээрэлхэлттэй тэмцэх, түүнээс урьдчилан сэргийлэх журам”-ын 2.6-д нэмэлт өөрчлөлт оруулсан.
2.6. Ялгаварлан гадуурхалт, дээрэлхэлттэй холбоотой гомдол, мэдээллийн талаар мэдсэн эрх бүхий этгээд нь тухайн хүний бэлгийн хандлага, хүйсийн байдал, хувийн мэдээлэл, хүсэл зориг зэрэгт хүндэтгэлтэй хандах төдийгүй мэдээллийг бүрэн нууцална. Зөвхөн гомдол гаргагчийн зөвшөөрлөөр мэдээллийг нээлттэй байдлаар ашиглаж болох ба ингэхдээ нэрийг өөрчлөн ашиглана. “Ялгаварлан гадуурхалт, дээрэлхэлттэй тэмцэх, түүнээс урьдчилан сэргийлэх журам”-ын 2.7-г баримтлан ажилладаг. Хууль зүйн сургууль нь “Ялгаварлан гадуурхалт, дээрэлхэлттэй тэмцэх, түүнээс урьдчилан сэргийлэх журам”-ын
2.7-д трансжендер хүмүүсийг ялгаварлан гадуурхахгүй байхад чиглэсэн заалт нэмж оруулсан.
2.7. ЛГБТ хүнийг ялгаварлан гадуурхахын эсрэг бодлогыг бүх талаар баримтлан ажиллана. Сургуулийн зүгээс энэ талаар явуулж буй үйл ажиллагааг Хууль зүйн сургуулиас жил бүр хянана. Эмэгтэйчүүдийн оролцоог дэмжсэн “Эхийн бодлого” нь сургуулийн “Хөдөлмөрийн дотоод журам”-ын 5.3-т шинэ заалт болон тусгагдаж байна.
5.3. Ээжүүд болон аавуудыг дэмжих бодлого
5.3.1. Нялх бага насны хүүхэдтэй эцэг, эхэд уян хатан ажлын цаг, гэрээсээ ажиллах боломж олгоно:
5.3.2. Залуу эцэг, эхчүүдэд хүүхэд асрах, хүмүүжүүлэх мэдлэг олгох сургалтууд зохион байгуулна.
5.3.3. Засгийн газрын 2017 оны 340 дүгээр тогтоолын хавсралт “Эх, олон хүүхэдтэй өрх толгойлсан эх, эцэгт тэтгэмж олгох журам”- д заасны дагуу хүүхэд асрах чөлөөтэй байгаа эхэд хүүхдээ 3 нас хүртэлх хугацаанд сар бүр 50,000 төгрөг олгоно. Эмэгтэйчүүдийн оролцоог дэмжсэн “Эхийн бодлого” нь сургуулийн “Хөдөлмөрийн дотоод журам” /Ерөнхийлөгчийн 2021 оны А/59 тоот тушаал/ -ын 5.3-д тодорхой тусгагдсан.
Сургуулийн “Хөдөлмөрийн дотоод журам”-ын 5.3-д эхчүүдийн хүүхэд асрах болон боловсролын үйлчилгээний талаар дэмжих бодлогыг нэмж тусгасан.
Сургуулийн дэргэд бага насны хүүхэдтэй оюутнуудад зориулсан “Могжоохон жаалууд” /Cute kids/ цэцэрлэг ажилладаг. “Могжоохон жаалууд” /Cute kids/ цэцэрлэгт багш, ажилтны хүүхдүүдэд сургуулийн “Хөдөлмөрийн дотоод журмын”-ын 5.5.1-т зааснаар 30-40 хувийн төлбөрийн хөнгөлөлттэй үйлчилж байна.
Манай “Багш хөгжлийн төв” нь “Women’s club”-ийг ажлуулдаг бөгөөд, тус төв нь “RISE” эмэгтэйчүүдийн зөвлөх хөтөлбөрийг хэрэгжүүлдэг.
Уг хөтөлбөрт манай оюутнуудын 20% нь идэвхитэй оролцож байна. Манай сургууль оюутнуудын төгсөлтийн байдалд дүн шинжилгээ хийсний үндсэн дээр эмэгтэй оюутнуудын төгсөх магадлалыг хэмжиж хянах, зөрүүг арилгах схемийг боловсруулан 2021 оноос эхлэн хэрэгжүүлж байна. Үүний дүнд сүүлийн 3 жилд эмэгтэй төгсөгчдийн тоо дараах байдлаар өссөн.
Ялгаварлан гадуурхалт, дээрэлхэлттэй тэмцэх, түүнээс урьдчилан сэргийлэх журмын 2.4-т заахдаа гомдол, мэдээлэл гаргасан оюутан, багш, ажилтныг ялгаварлан гадуурхалтгүй орчинд суралцах болон ажиллах боломжийг хангах үүднээс сургуулийн орчинд “Түр арга хэмжээ” авах, тус зүйлийн 6 дахь хэсэгт гомдол гаргагчийн хувийн мэдээллийг нууцлан хамгаалах талаар тусгасан. Манай сургуульд “Эцгийн бодлого” нь дараах байдлаар хэрэгждэг. Үүнд:
- Эцэгт чөлөө олгох буюу эцгийн амралт
- Эцгийн амралтын тэтгэмж
- Хүүхэд асрах болон ажлын уян хатан цаг
- Эцгийн үүрэг хариуцлагыг дэмжих сургалт зэрэг.
“Сити их сургуулийн Хөдөлмөрийн дотоод журам”-ын 5.3-т заалтад Эцгийн бодлого нь дараах байдлаар хэрэгждэг. Эцэг нь хүүхэд асрах үүрэгт боломжтой байх замаар эмэгтэйчүүдийн оролцоог дэмжсэн “Эцгийн бодлого” анх 2024 оны 2 дугаар сарын 20-нд боловсруулагдан сургуулийн УЗ-ийн А/02 тоот тогтоолоор батлагдсан.
