ТҮГЭЭМЭЛ АСУУЛТ, ХАРИУЛТ

Боловсрол, шинжлэх ухааны яам, Боловсролын үнэлгээний төв, Боловсролын чанарын судалгааны төв, олон улсын их сургуулиудын эрэмбэ тогтоодог “Times Higher Education” байгууллагаас гаргасан Монголын их, дээд сургуулиудын эрэмбэ, чансаанд “СИТИ” Их сургууль 11 дүгээр байрт эрэмбэлэгдэж байна.

Боловсролын магадлан итгэмжлэлийн үндэсний зөвлөлөөс Япон, Вьетнам, Тайланд зэрэг орны хөндлөнгийн шинжээчдийг оролцуулан 2024 онд зохион байгуулсан Монголын их, дээд сургуульд суралцагч оюутнуудын сэтгэл ханамжийн үнэлгээгээр “СИТИ” Их сургууль 6 дугаар байранд эрэмбэлэгдсэн.

“СИТИ” Их сургууль 1998 онд үүсгэн байгуулагдсан, хувийн хэвшлийн ууган их, дээд сургуулиудын нэг юм.

Манай сургууль Боловсролын магадлан итгэмжлэлийн үндэсний зөвлөлөөр анхан шатны болон ахисан түвшинд 2005, 2010, 2024 онуудад магадлан итгэмжлэгдэж, 2012 онд Боловсрол, шинжлэх ухааны яамнаас аттестатчилагдсан болно.

Магадлан итгэмжлэгдсэн сургуулийн диплом аль ч улсад хүлээн зөвшөөрөгддөг. Манай сургуулийг төгсөгчид гадаадын улс орнуудад амжилттай суралцаж байна.

“СИТИ” Их сургууль хотын төвийн “А” бүсэд Сүхбаатар дүүргийн 7 дугаар хороо, Денверийн гудамж, Сэлбэ голын баруун эрэгт байрладаг. Манай сургууль нийслэл Улаанбаатар хотын төв цэг Сүхбаатарын талбайгаас холгүйхэн оршдог бөгөөд Үндэсний төв номын сан /шинэ барилга/, Сүхбаатар дүүргийн Засаг даргын Тамгын газар, Америк, Хятад, Энэтхэг зэрэг улсын Элчин сайдын яамдууд, Емарт худалдааны төв, Оросын шинжлэх ухаан, соёлын төв, МУИС, ШУТИС зэрэг томоохон их сургуулиуд хаяа залган байршдаг.

“СИТИ” Их сургууль бакалавр, магистр, докторын хөтөлбөрүүд хэрэгжүүлж байна. Та манай цахим хуудасны доорх линкээр орж, уг хөтөлбөрүүдийн талаар дэлгэрэнгүй мэдээлэл аваарай.

1/ Бакалаврын өдрийн ангийн хөтөлбөр https://citi.edu.mn/bachelors-degree/

2/ Бакалаврын эчнээ ангийн хөтөлбөр https://citi.edu.mn/training-os/

3/ Магистрын хөтөлбөр https://citi.edu.mn/master12/

4/ Докторын хөтөлбөр https://citi.edu.mn/dr/

Бакалаврын хөтөлбөрийн элсэлтийн бүртгэл жил бүрийн 6-8 сард явагддаг. Харин магистр, доктор, бакалаврын эчнээ хөтөлбөрийн бүртгэл тухайн хичээлийн жилийн хавар 2 сард, намар 9 сард явагддаг.

Болно. Та манай цахим хуудсанд https://citi.edu.mn/online_registration/ нэвтэрч, цахимаар бүртгүүлээрэй.

Хэрхэн бүртгүүлэх талаарх видео зааврыг мөн уг цахим хуудсанд байршуулсан болно.

1/ Бакалаврын хөтөлбөр:

• ЭЕШ-ын батламж;
• Боловсролын үнэмлэх, гэрчилгээний хуулбар;
• Сурагчийн хувийн хэрэг;
• Иргэний үнэмлэхийн хуулбар;
• 3х4 хэмжээний цээж зураг 2 хувь; 
• Бүртгэлийн хураамж 20000 төгрөг.

Зохих шаардлагыг ханган элсэн орсон оюутан 8 дугаар сарын 10-15-ны хооронд сургуульд ирж, бүртгүүлэх бөгөөд онлайнаар бүртгүүлсэн элсэгчид дээр дурдсан бичиг баримтуудыг эх хувиар нь авчирч Сургалтын бодлого, зохицуулалтын газарт өгнө.

Монголын их, дээд сургуулиудын консорциумын хөтөлбөр сонголтоор суралцах эрхийн бичиг авсан орон нутгийн элсэгчид тогтоосон хугацаанд сургуульд ирж бүртгүүлснээр суралцах эрх нь нээгдэнэ.

2/ Магистрын хөтөлбөр:

• Бакалаврын дипломын хуулбар; 
• Иргэний үнэмлэхийн хуулбар; 
• 3х4 хэмжээний цээж зураг 2 хувь; 
• Бүртгэлийн хураамж 20000 төгрөг.

3/ Докторын хөтөлбөр: 

• Магистрын дипломын хуулбар;
• Иргэний үнэмлэхийн хуулбар;
• 3х4 хэмжээний цээж зураг 2 хувь;
• Бүртгэлийн хураамж 20000 төгрөг.

4/ Бакалаврын эчнээ хөтөлбөр:

Хэрэв та өмнө нь бакалаврын зэрэг эзэмшсэн бол:

• Бакалаврын дипломын хуулбар; 
• Иргэний үнэмлэхийн хуулбар; 
• 3х4 хэмжээний цээж зураг 2 хувь;
• Бүртгэлийн хураамж 20000 төгрөг.

Хэрэв та бакалаврын зэрэг эзэмшээгүй бол:

• Боловсролын үнэмлэх, гэрчилгээний хуулбар;
• Иргэний үнэмлэхийн хуулбар; 
• ЭЕШ-ын батламж хуудас;
• 3х4 хэмжээний цээж зураг 2 хувь; 
• Бүртгэлийн хураамж 20000 төгрөг.

Хэрэв хуурамч бичиг баримт бүрдүүлсэн ба бүрдэл дутуу бол элсэлтийн комисс тухайн элсэгчийг элсэлтийн бүртгэлээс хасах эрхтэй.

Та сонгосон мэргэжлээрээ амжилттай суралцахын тулд дараах хичээлээр ЭЕШ амжилттай өгсөн байх ёстой. Үүнд:

Тайлбар: Ур чадварын шалгалт өгөх элсэгч нь:

• дуулаач, жүжиглэх урлаг, бүжиглэх урлаг, хөгжмийн урлаг хөтөлбөрт сонсгол, ритм, этюд, дуу, шүлэг, анхаарал, хөдөлгөөний эвсэл буюу бүжгийн;
• дизайн, барилга, архитектурын хөтөлбөрт хар зургийн шалгалт тус тус өгнө.

Зөвхөн дараах тохиолдолд ЭЕШ өгөхгүй байж болно. Үүнд:

1/Дээд боловсролтой иргэн хоёр дахь дээд боловсрол эзэмших;

2/Дипломын боловсролтой, тусгай мэргэжлийн дунд сургуулийг төгсөөд мэргэжлийнхээ дагуу бакалаврын хөтөлбөрт элсэх;

3/Элсэн суралцах мэргэжлийн чиглэлээр 3-аас доошгүй жил ажилласан, 30-аас дээш насны иргэн;

4/Боловсрол, шинжлэх ухааны яамнаас хүлээн зөвшөөрсөн олон улсын болон улсын төрөлжсөн олимпиадын эхний 5 байрт шалгарсан иргэн тухайн чиглэлийн хөтөлбөрт;

5/Гадаад оронд ерөнхий боловсрол эзэмшсэн, улс орнуудад нийтлэг хүлээн зөвшөөрөгддөг шалгалтын оноог Боловсролын үнэлгээний төвөөр дүйцүүлэн тооцуулж, дүйцүүлсэн батламж авсан.

Дээр дурдсанаас бусад тохиолдолд БШУЯ-наас тавьсан шалгуурын дагуу заавал ЭЕШ өгсөн байх шаардлагатай.

Сургалтын төлбөрийн талаарх дэлгэрэнгүй мэдээллийг доорх цахим хуудаснаас аваарай. Үүнд:  

1/ Бакалаврын хөтөлбөр: https://citi.edu.mn/2021/02/20/payment/ 

2/ Магистрын хөтөлбөр: https://citi.edu.mn/2021/02/20/payment/

3/ Докторын хөтөлбөр: https://citi.edu.mn/2021/02/20/payment-dr/  

4/ Бакалаврын эчнээ хөтөлбөр: https://citi.edu.mn/2021/03/29/payment-2/

Төлбөр төлөх дансны дугаар: Голомт банк, 1102100119 тоот данс

Хүлээн авагч: “СИТИ” Их сургууль

Та гүйлгээний утга дээр өөрийн овог, нэр, суралцах ангиа тодорхой бичээрэй.

“СИТИ” Их сургуульд элсэгч тодорхой нөхцөлийг хангасан тохиолдолд сургалтын төлбөрөөс хөнгөлж, чөлөөлдөг. Та манай цахим хуудасны https://citi.edu.mn/khunglult-chuluulultiin-hemjee/ линкээр орж, дэлгэрэнгүй мэдээлэл аваарай.

Мэдлэг боловсрол, бүтээлч чанар, шинэ санаа, сайн үйлс, авьяас, ур чадварыг хөгжүүлэх, урамшуулан дэмжих зорилгоор үлгэр жишээ, онцгой амжилт гаргасан бакалаврын хөтөлбөрийн өдрийн ангийн оюутанд Монгол Улсын Ерөнхийлөгчийн, Монгол Улсын Ерөнхий сайдын нэрэмжит тэтгэлгүүдийг жил бүр олгодог.

Мөн Монгол Улсын гавьяат хуульч, Улсын дээд шүүхийн анхны Ерөнхий шүүгч, Шүүхийн ерөнхий зөвлөлийн анхны дарга, Үндсэн хуулийн цэцийн гишүүн, “СИТИ” Их сургуулийн Удирдах зөвлөлийн анхны дарга агсан Дашдоржийн Дэмбэрэлцэрэнгийн нэрэмжит “Дэмбэрэлцэрэн сан”-гийн болон “СИТИ Их сургуулийн Удирдах зөвлөлийн нэрэмжит тэтгэлгүүдийг жил бүр олгодог билээ. Тавигдах шаардлага болон бусад дэлгэрэнгүйтэй доорх линкээр орж танилцана уу.

1. Монгол Улсын Ерөнхийлөгчийн нэрэмжит тэтгэлэг https://citi.edu.mn/2021/02/20/scholarship-of-the-president-of-mongolia/
2. Монгол Улсын Ерөнхий сайдын нэрэмжит тэтгэлэг https://citi.edu.mn/2021/02/20/scholarship-of-the-prime-minister-of-mongolia/
3. “Дэмбэрэлцэрэн” сангийн тэтгэлэг

“Дэмбэрэлцэрэн сан”-гаас жил бүр мэдлэг боловсролоороо бусдыгаа манлайлан шалгарсан тус сургуулийн Хууль зүйн сургуулийн бакалаврын хөтөлбөрийн ангийн 5 оюутанд тус бүр 500.000 төгрөгийн тэтгэлэг олгоно. https://citi.edu.mn/2021/02/20/dembereltseren-foundation-scholarship/

4. Удирдах зөвлөлийн нэрэмжит тэтгэлэг

Мэдлэг боловсрол, бүтээлч чанар, авьяас, ур чадварыг хөгжүүлэх, урамшуулан дэмжих зорилгоор үлгэр жишээ, онцгой амжилт гаргасан бакалаврын хөтөлбөрийн өдрийн ангийн оюутнуудад “СИТИ” Их сургуулийн Удирдах зөвлөлийн нэрэмжит тэтгэлэг олгоно. https://citi.edu.mn/2021/02/20/scholarship-citi-university/

5. ГОЛОМТ БАНКНЫ ОЮУТНЫ ТЭТГЭЛЭГТ ХӨТӨЛБӨР

Голомт банкны оюутны тэтгэлэгт хөтөлбөрт шалгарсан оюутан бүтэн жилийн турш тэтгэлэг авахаас гадна Голомт банкны судлаач оюутны багт ажиллах, цаашлаад сургуулиа төгсөөд тус банканд ажиллах боломжтой болдгоороо томоохон ач холбогдолтой юм. https://citi.edu.mn/2021/02/20/golomt-bank-scholarship-program/

1/ Сургуулиас шилжих хүсэлтэй оюутнууд, анги удирдсан багш болон харьяа салбар сургуулийн захиралд мэдэгдэж, сургалтын төлбөрийн өргүй болсон байна. Тойрох хуудас зуруулсны дараа Сургалтын бодлого, зохицуулалтын газраас бичиг баримт болон суралцсан хугацааны дүнгээ авах боломжтой болно.

2/ Сургуульд шилжин ирэх хүсэлтэй оюутнууд тухайн сургуульд элсэн орсон, гарсан тушаал болон дүнгийн хуудсаа “СИТИ” Их сургуулийн Сургалтын бодлого, зохицуулалтын газарт шалгуулна. Ямар нэг зөрчилгүй бол орох боломжтой мэргэжлийн хөтөлбөртөө бүртгүүлэх боломжтой болно. Дараа нь анги удирдсан болон харьяа тэнхимийн багш нартаа дүнгээ өгч, дүйцүүлэлт хийлгэнэ.

3/ Хэрэв гадаадаас шилжин ирэх бол  мөн адил тухайн сургуульд элсэн орсон баримт бичиг, дүнгийн тодорхойлолт хэрэгтэй болно.

“СИТИ” Их сургуульд элсүүлэх тухай тус сургуулийн Ерөнхийлөгчийн тушаал гарсан тохиолдолд оюутан, магистрант, докторантын үнэмлэх олгоно. Үнэмлэхээ гээсэн, алдсан, үрэгдүүлсэн тохиолдолд Сургалтын бодлого, зохицуулалтын газарт хандаж, нөхөн авч болно.

“СИТИ” Их сургуулийн оюутан, магистрант, докторант мөн болох тухай, мөн суралцаж байх хугацааны дүнгийн албан ёсны тодорхойлолтыг Сургалтын бодлого, зохицуулалтын газар гаргана.

Дүнгийн албан бус тодорхойлолтыг оюутан мэдээллийн сангаас төлбөргүй авч болно. Суралцаж буй хугацааны дүнгийн тодорхойлолтод тухайн оюутны судалсан хичээлээр авсан нийт дүн (амжилтгүй дүнг мөн адил хамаарна)-г оруулна.

Төгссөн тухай тодорхойлолт, дипломын хавсралт дахь дүнгийн албан ёсны магадлагааг сургалтын бодлого, зохицуулалтын газар олгоно.

“СИТИ” Их сургуулийг 2002 оноос хойш төгссөн төгсөгчийн хаясан, гээсэн, устаж үгүй болсон, ашиглах боломжгүй болсон, овог нэр солих дипломыг төгсөгчийн бичгээр гаргасан хүсэлтээр нөхөн олгоно. Нөхөн олгож буй дипломд төгссөн үеийн тушаалын огноо, хуучин дипломын дугаар тавигдах бөгөөд одоо ажиллаж буй Ерөнхийлөгч, холбогдох хүмүүсийн гарын үсэг, тамга, тэмдгээр баталгаажна.

Нөхөн олгосон дипломд дахин олгосон тухай тэмдэглэгээг заавал хийнэ. Диплом нөхөн авахад дипломын материалын өртөг болон үйлчилгээний хураамжид төлбөр төлнө. Төлбөрийн хэмжээг “СИТИ” Их сургуулийн Ерөнхийлөгч тогтооно.

Хувь хүний хүсэлтээр тодорхойлолт, лавлагаа монгол хэлээр гаргахад 5000 төгрөг, англи хэлээр гаргахад 10.000 төгрөг, мөн архивын бичиг баримт авахад 5000 төгрөг тус тус үйлчилгээний төлбөрт төлнө.

“СИТИ” Их сургуульд суралцах хүсэлт гаргасан гадаадын иргэнийг Боловсрол, шинжлэх ухааны яамнаас баталсан Гадаадын иргэдийг суралцуулах журмын дагуу элсүүлдэг бөгөөд элсэгч дараах бичиг баримтыг бүрдүүлнэ. Үүнд:

• Дэлгэрэнгүй анкет /CV/;
• Хувийн өргөдөл;
• Эрүүл мэндийн тодорхойлолт;
• Гадаад паспорт ба баталгаажуулсан хуулбар /орчуулгын хамт/;
• Боловсролын зэргийн үнэмлэх, диплом, тэдгээрийн баталгаажуулсан хуулбар, орчуулгын хамт;
• 3*4 хэмжээний зураг;
• Элсэлтийн хураамж.

“СИТИ” Их сургуульд танхимын болон онлайн хэлбэрийг хослуулан суралцаж болно.

Гадаад оюутан эхлээд “СИТИ” Их сургуульд суралцах түвшиндээ бүртгүүлсний дараагаар Суралцах эрхийн бичгээ хүлээн авна. Бүртгүүлсэн гадаад суралцагчийн виз мэдүүлэх ажлыг “СИТИ” Их сургууль Монгол Улсын Гадаадын иргэн, харьяатын газар, тухайн оронд суугаа Монгол Улсын Элчин сайдын яаманд танилцуулж, зөвшөөрөл авсны дараа суралцагч визээ амьдарч байгаа улс, хотынхоо аль ойр байгаа Элчин сайдын яам, консулын газраас авна.

Бид оюутны байрны 60 өрөөнд гадаад оюутан хүлээн авах боломжтой. Өрөө нь 2-4 ортой.

Сургалт англи, хятад хэл дээр явагддаг.

Манай төгсөгчдийн 90 гаруй хувь нь төгсөөд шууд ажлын байранд зуучлагддаг. Мөн бид оюутан, төгсөгчдөө ажилд ороход, өөрийн бизнесээ эхлэхэд нь дэмжлэг үзүүлэх, ажил горилогчдод тавигддаг, шаардлагатай мэдлэг, чадвар, дадлыг эзэмшүүлэх, хөдөлмөрийн зах зээлд өрсөлдөхөд нь туслах зорилгоор “CitiZone” инновац, бизнес хөгжлийн төв байгуулсан.

Энэхүү ажлын хүрээнд “СИТИ” хөдөлмөрийн бирж шинээр байгуулж, оюутан, төгсөгчид болон ажил олгогчдыг холбох гүүр бий болгоод байна.

Өөрөөр хэлбэл, ажил олгогч нар манай www.citi.edu.mn цахим хуудасны “Төгсөгч” цэсний “СИТИ хөдөлмөрийн бирж”-д хандаж, хайж байгаа ажилтан, хүний нөөцөд тавигдах шаардлага, мэргэжлийн чиглэл, ур чадварын талаар бичихэд хангалттай юм. Ингэснээр манай сургуулийн 1700 гаруй оюутан болон 6000 гаруй төгсөгчид хайж буй ажлын байрандаа орох боломжтой юм.

1/ Хамгийн шинэлэг сургуулиудын нэг

Хэрэв Та их сургуульд сурах гэж байгаа бол хамгийн шинэлэг, хамгийн сонирхолтой, хамгийн хурдтай өөрчлөгдөн хөгжиж буй сургуульд суралцаж яагаад болохгүй гэж? Бид ойрын хугацаанд Азийн шилдэг 100 их сургуулийн нэгээр шалгарах зорилт тавин ажиллаж байна. Мөн манай сургууль бүх оюутнуудад ажлын байрны талаар үнэгүй, мэргэжлийн зөвлөгөө өгч, томоохон компаниудтай холбох гүүр болохын зэрэгцээ цаашид хэрхэн суралцах талаар байнга зөвлөж, тусалдаг.

2/ Суралцах орчин, байрлал

Суралцах орчин нь сурлагын чанарт хүчтэй нөлөөлдөг болохыг судалгаагаар тогтоосон байдаг. Тэгвэл “СИТИ” Их сургууль нь цахим номын сан, хамгийн сүүлийн үеийн тоног төхөөрөмж, сургалтын орчинтой бөгөөд олон улсын стандартад нийцсэн спорт заал, урлагийн бичил тайзтай. Манай хамт олон 2017 онд “Нийслэлийн шилдэг тохижилттой байгууллага”-аар шалгарч байсан нь үүний нэгэн тод илрэл. Мөн манай сургууль хотын “А” зэрэглэлийн бүсэд байрладаг тул суралцахад тун тохиромжтойн зэрэгцээ орчин цагийн хурдтай өрнөж буй нийгмийн амьдрал, их хотын хөгжил, дэвшилтэй хөл нийлүүлэн алхаж, цаг хугацаа хэмнэх гэх мэт олон давуу талыг бий болгож байдаг юм.

3/ Хөнгөлөлт, урамшуулал

Бид оюутнууддаа хамтран ажилладаг байгууллагуудын болон олон улсын, үндэсний тэтгэлэгт хөтөлбөрүүдэд хамрагдах боломж олгодог. Мөн хамгийн их хэрэгцээтэй хүмүүст санхүүгийн дэмжлэг, хөнгөлөлт, чөлөөлөлт байнга үзүүлж, дэмждэг. Хамгийн сүүлд л гэхэд 9 оюутанд 4 жилийн хугацаанд жил бүр нэг сая төгрөгийн тэтгэлэг олгосон.

4/ Тусламж, дэмжлэг

Шаардлагатай үед дэмжлэг үзүүлэх, зөвлөмж, зөвлөгөө өгөх хүмүүс “СИТИ” Их сургуульд олон байдаг. Мөн “СИТИ” Их сургуулийн 1700 орчим оюутан үргэлж бие биедээ тусалж, дэмждэг. Тэдний цар хүрээ, сонирхол гайхалтай. Манай сургуульд зөвхөн Монголоос бус дэлхийн өнцөг булан бүрээс ирсэн оюутнууд бий. “СИТИ” бол авьяас чадвартай, хүсэл эрмэлзэлтэй хэн бүхний хувьд хүсэл мөрөөдлөө, зорилгоо биелүүлэх бодитой гарц гэж үзэж болно.

5/ “СИТИ” ба Таны ирээдүйн карьер

Манай сургуулийн төгсөгчид ажил, амьдралын гараагаа зөв тавьж, өөрсдийн бизнесээ эхлүүлж, ажил хөдөлмөрийн талбар дээр гялалзан манлайлж байгаа нь бидний хувьд маш том бахархал юм. Та ямар ч чиглэлээр суралцсан байсан боломж үргэлж нээлттэй байх болно. Манай сургуулийн сургалтын хөтөлбөр ирээдүйд, насан туршид тань Танд тусалж, дэмжиж байх болно.

6/ Дадлага, туршлага

Манай оюутнууд өөрсдийн суралцаж буй чиглэлээр бүх төрлийн дадлагын хөтөлбөрт хамрагдах боломжтой. Та төрөл бүрийн салбарт ажлын туршлага хуримтлуулаад зогсохгүй, цалинтай дадлага хийх боломжтой юм. Тухайлбал, “Нэг жилийн цалинтай дадлагажигч” хөтөлбөрийн хүрээнд 2020-2021 оны хичээлийн жилд 10 гаруй оюутан мэдлэг, ур чадвараа дээшлүүлэхээр Япон Улсад (2020.12.05-нд) суралцаж, ажиллаж байна. Өнгөрсөн 3 жилийн хугацаанд манай сургуулийн 50 гаруй оюутан дээрх хөтөлбөрт хамрагдаж, цалин авахын зэрэгцээ хэлний мэдлэгээ дээшлүүлсэн бөгөөд практикт суурилсан боловсролыг эзэмшин, сургуулиа олон улсын сертификаттай төгсжээ.

7/ Ажил, мэргэжлийн хувьд үзүүлэх бусад дэмжлэг

Ажил, мэргэжлийн зорилгыг ойлгохоос эхлээд хүсэл эрмэлзэлд нь хүрэхэд нь туслахын тулд олон төрлийн дэмжлэгийг санал болгодог. Тухайлбал,

• Ажил мэргэжилтэй холбоотой олон төрлийн сэдэвт арга хэмжээ, сургалт, семинар зохион байгуулдаг.
• Мөн хамтран ажилладаг байгууллагуудаас нээлттэй ажлын байр зарладаг нь манай оюутнуудад шинэ боломжийг нээж өгдөг.

8/ Сургалтын хөтөлбөрүүдийн шинэчлэл

• Сургуулийн багш, профессорууд хичээлийн хөтөлбөрүүдийг боловсруулахдаа олон улсад нэр хүнд бүхий их, дээд сургуулиудын хичээлүүдийн агуулгын дагуу боловсруулж, дотоодын бусад их, дээд сургуулиудын шилдэг хөтөлбөрүүдтэй жиших замаар тасралтгүй хөгжүүлэн сайжруулж байна.
• Тусгай аргачлалаар боловсруулсан цогц системийн дагуу англи хэлний уламжлалт сургалтыг өөрчилж, оюутнуудыг 1-р курсээс нь түвшин тогтоон суралцуулж, төгсөлтийн үе шат бүхэнд "Сертифекат” олгодог болсон бөгөөд цаашид Англи хэлээр мэргэжлээ гүнзгийрүүлэн суралцах боломж олгоно. Мөн манай оюутнууд 2-р курсээсээ эхлэн сонгоноор франц, хятад, солонгос, япон хэлүүдээс сонгон судалдаг.
• Оюутнуудыг гарааны бизнес эрхлэх, бүтээлч сэтгэхүйтэй болгох, онолоор эзэмшсэн мэргэжлээ практикт турших, өөрийгөө илэрхийлэх, санаагаа хөгжүүлэх, бизнесээ төлөвлөх зэрэг олон талын ач холбогдолтой Entrepreneur хүн болж төлөвшихөд шаардлагатай “Entrepreneurship“ хичээл заадаг.
• Ажлын байран дахь хувь хүний соёл, хүмүүжил, харилцаа, зөв хандлага, ёс зүйн өндөр төлөвшил, эерэг сэтгэлгээ, сэтгэл зүйн хатуужил бий болгох “Гоо зүйн хүмүүжил”-ийн дадлага хийлгэх зэрэг олон өөрчлөлтүүдийг хөтөлбөрт шинээр оруулж өгсөн байдаг.

9/ Туршлагатай багш, профессоруудын баг

Манай сургуульд гадаад, дотоодын нэр хүндтэй их сургуулиудад магистр, докторын зэрэг хамгаалсан багш, профессорууд хичээл заадаг. Мөн бид үндсэн багш нарын зэрэгцээ эдийн засаг, бизнесийн салбарын шилдэг мэргэжилтнүүдтэй хамтран ажилладаг юм. Тухайлбал, Монгол Улсын гавъяат эдийн засагч Д.Байлыхүү, УИХ-ын гишүүн асан Г.Төртогтох /Ph.D/, Бизнесийн удирдлагын МВА хөтөлбөрийн ерөнхий зохицуулагч П.Мөнхтогт, Д.Амгалан /Sc.D/ зэрэг олон бүтээлч, нэр хүндтэй эрхэмүүдийг энд дурдаж болно.

Манай багш нар нийт 20 шахам сурах бичиг, гарын авлага боловсруулж, хэвлүүлсэн. Үүнээс "Зар сурталчилгаа ба идэвхжүүлэлтийн удирдлага", "Олон улсын маркетинг”, “Удирдлагын бүртгэл, шинжилгээ” сурах бичгүүд нь мэргэжлийн бусад их, дээд сургуулиудад ч хэрэглэгдэж байна.

10/ Сургалт, семинар, дадлага

Манай сургууль нь ажил, мэргэжлийн чиг баримжаа олгох, хөдөлмөрт бэлтгэх зорилгоор байгууллагын үйл ажиллагаа, үйлдвэрлэлийн ажиллагаатай танилцах “дадлага аялал”-ыг зохион байгуулж ирсэн нь төгсөгчдийг ажлын байранд зуучлах болон ажлын ур чадварыг нэмэгдүүлэхэд ихээхэн ач холбогдолтой.

Мөн түүнчлэн төгсөх курсын оюутнуудад жил бүр “Хувь хүний хөгжил” сэдэвт кейс сургалтыг зохион явуулдаг бөгөөд сургалтанд Монголын томоохон аж ахуй нэгж, албан байгууллагын удирдлагууд, амжилттай яваа манлайлагч, олны танил хүмүүсийг урьж авчирдаг. Уг сургалтаар төгсөөд ажлын байранд гарахад учрах бэрхшээл, түүнийг хэрхэн даван туулах, чадварлаг боловсон хүчин болоход юуг анхаарвал зохих талаар төгсөгчдөд нээлттэй ярилцлага хийн зөвлөгөө өгдөг юм.