Гоо сайхны ухааны сургууль

Манай сургуульд гадаад, дотоодын нэр хүндтэй их сургуулиудад магистр, докторын зэрэг хамгаалсан багш, профессорууд хичээл заадаг. Тухайлбал, БНСУ-ын Секёоны Их сургуулийг төгссөн арьс гоо заслын багш О.Номуундарь, үсчин,  гоо заслын холбооны шүүгч, мастер үсчин Г.Ганцоож, яг түүн шиг шоуны нүүр хувиргагчаар ажилласан багш Г.Хос-Эрдэнэ нарыг энд дурдаж болно. Манай оюутан, багш нар тайз, дэлгэцийн олон уран бүтээлд уригдан ажилладаг бөгөөд Халуун зүрх, Атганд үлдсэн эрдэнэ, Хүүхэлдэй, Ороолон, Шуугиан таригч, Ядуугийн зовлон, Хавцалд, Өртөө, Бумеранг, Girls, 37-р точка гэх мэт олон ангит кино уран бүтээлд хамтран ажилласан. Мөн 2019 онд БНСУ-ын болон Монгол Улсын уран бүтээлчдийн хамтран бүтээсэн шинжлэх ухааны уран зөгнөлт ‘6 DEMONS’ буюу  ‘6 Чөтгөр’ бүрэн хэмжээний  уран сайхны кинонд ерөнхий нүүр хувиргагчаар сонгогдон ажилласан.

Түүнчлэн Х-түц, Шинэ үе, Маск, Мөрөөдлийн театр, Эмоци продакшин болон хамтлаг, дуучдын тоглолт, рекламын нүүр будалт, хувирагалтуудыг тогтмол хийж гүйцэтгэж байгаа нь манай багш, оюутны мэдлэг, мэргэжлийн ур чадвар өндөр түвшинд хөгжсөн байгааг харуулж байна.

Гоо сайхны сургууль нь ажил мэргэжлийн чиг баримжаа олгох, хөдөлмөрт бэлтгэх зорилгоор байгууллагын үйл ажиллагаа, үйлдвэрлэлийн ажиллагаатай танилцах “дадлага аялал”-ыг зохион байгуулж ирсэн нь төгсөгчдийг ажлын байранд зуучлах болон ажлын ур чадварыг нэмэгдүүлэхэд ихээхэн ач холбогдолтой.

Мөн сургуулийн төгсөх курсын оюутнуудад жил бүр “Хувь хүний хөгжил” сэдэвт кейс сургалтыг зохион явуулдаг бөгөөд сургалтанд Монголын томоохон аж ахуй нэгж, албан байгууллагын удирдлагууд, амжилттай яваа манлайлагч, олны танил хүмүүсийг урьж авчирдаг. Уг сургалтаар төгсөөд ажлын байранд гарахад учрах бэрхшээл, түүнийг хэрхэн даван туулах, чадварлаг боловсон хүчин болоход юуг анхаарвал зохих талаар төгсөгчдөд нээлттэй ярилцлага хийн зөвлөгөө өгдөг юм.