Монгол орны байгаль харьцангуй унаган төрхөө хадгалж үлдсэн боловч уур амьсгалын өөрчлөлт болон нийгэм, эдийн засгийн хөгжлийн хүчин зүйлээс хамааран зарим газарт экологийн тэнцэл алдагдах хандлага ажиглагдаж байна. Дэлхийн нийтийн чиг хандлагаас харахад тусгай хамгаалалттай газар нутаг нь биологийн олон янз байдал, байгалийн болон түүх, соёлын өвийг хадгалан хамгаалах, зохистой ашиглах, экосистемийн тэнцвэрт байдлыг хангах, байгаль орчны доройтлыг хязгаарлах, хойч үедээ хадгалан үлдээхэд чухал үүрэгтэй болох нь тодорхой байна. 

Эх орныхоо байгалийн болон түүх, соёлын өвийг хадгалан хамгаалах, зохистой ашиглах, хойч үедээ өвлүүлэн үлдээх нь өнөө үеийнхний чухал үүрэг болохыг бид ухамсарлаж, дорвитой арга хэмжээ шуурхай авах шаардлагатай байна. Саяхан Шотландын Глазго хотод зохион байгуулагдсан, дэлхийн 100 гаруй улсын төр, засгийн тэргүүн оролцсон Уур амьсгалын тухай НҮБ-ын Суурь конвенцид нэгдэн орсон улс орнуудын бага хурлын 26 дахь чуулганаар ч энэ тухай ярилцаж, хэтэрхий оройтохоос өмнө шийдвэртэй арга хэмжээ авч, өгсөн үүрэг, амлалтуудаа биелүүлбэл уур амьсгалын өөрчлөлтөөс улбаатай гамшиг, сүйрлээс аврагдах боломжтой талаар ярилцаж, тохирсон юм.

Эрхэм уншигч Та бүхэн Сити-Science сэтгүүлд нийтлэгдсэн өгүүлэл, бүтээлийн талаарх санал, хүсэлтээ info@citi.edu.mn хаягаар ирүүлээрэй. Бид уншигчдынхаа санал, бодлыг анхаарч ажиллах болно.

Мэдлэг бол Хүч, Эрх чөлөө!  Scientia est Potentia, Libertas!