СИТИ их сургууль оюутнуудын хүнсний аюулгүй байдлыг хангах, тогтвортой хөдөө аж ахуйг дэмжих чиглэлээр олон талт арга хэмжээ хэрэгжүүлж байна. Үүнд хямд, эрүүл хоолны үйлчилгээ, хүнсний банк, орон нутгийн тариаланчдыг дэмжих хөтөлбөр зэрэг багтаж байгаа нь оюутнуудын амьдралын чанарыг сайжруулахад чухал үүрэг гүйцэтгэж байна. Мөн сургуулийн зүгээс хүнсний бүтээгдэхүүнийг дотоодын үйлдвэрлэгчдээс худалдан авахыг эрхэмлэж, тогтвортой хөгжлийн зорилтуудад бодит хувь нэмэр оруулж байна. СИТИ их сургууль нь “Оюутны хүнсний аюулгүй байдлын хөтөлбөр”-тэй бөгөөд үүнд дараах зүйлсүүд багтаж байна.
- Хүнсний тусламжийн сан
- Хямд үнэтэй, үнэ төлбөргүй хоолны үйлчилгээ
- Эрүүл хооллолтын боловсрол, зөвлөгөө
- Оюутны клуб ба олон нийтийн оролцоо
- Эдийн засгийн дэмжлэг
Манай сургууль нь оюутнуудын дунд өлсгөлөнгөөс сэргийлэх арга хэмжээг дараах байдлаар авдаг. Үүнд:
- Хүнсний банк
- Зайрмагны машин
- Кофе шоп
- Оюутны цайны газар
Эдгээрт манай оюутнуудын 81,5 хувь нь тогтмол үйлчлүүлдэг. Вейдинг машин байршуулах гэрээ / Machine Placement Agreement/
Манай сургууль нь цагаан хоолтон, веган хоол гэх мэт оюутны хотхоны бүх хүмүүст тогтвортой хоолны сонголтоор үйлчилдэг бөгөөд 2024 онд 702 оюутнаас хооллолтын хэв маягийнх нь талаар судалгаа авсан. Судалгаанд оролцогчдын 67% нь эмэгтэй, 33% нь эрэгтэй суралцагчид байна. 90.7% нь бүх төрлийн хоол, 2.8% нь веган хоол, 6.4% нь бусад төрлийн хооллолтын хэв маягтай байна. Сургуулийн цайны газар нь “СИТИ” Их сургуулийн ерөнхийлөгчийн тушаалаар батлагдсан цагаан хоолтон, веган хоолтон хүмүүст зориулсан хоолны цэсээр үйлчилдэг.
СИТИ их сургууль оюутны хотхонд байгаа бүх хүмүүст эрүүл, хямд хоолны сонголтоор хангадаг бөгөөд манай хоолны газар нь Эрүүл мэндийн сайдын 2023 оны 11 дүгээр сарын 24-ний өдрийн А/406 дугаар тушаалаар батлагдсан “Хоол үйлдвэрлэл, үйлчилгээний газрын, эрүүл ахуй, халдвар хамгааллын үлгэрчилсэн дүрэм” -д нийцсэн хоол, хүнсээр үйлчилдэг. Хоолны нэр төрөл, үйлчлүүлэгчийн тав тух, орчин, бүтээгдэхүүний үнийг онцлон анхаардаг.
Манай сургууль нь сургуулийн хэмжээнд үйлчилдэг хоолноос гарч буй хүнсний хог хаягдлын хэмжээг хэмждэг бөгөөд өдөр тутмын хоол, хүнсний хаягдлын хэмжээг жин ба эзлэхүүнийг хэмжих аргаар хэмждэг. Тус хоолны газар өдөрт 0.025-0.03 mt хог хаягдлыг гадагшлуулж байгаа бөгөөд цаашид хэмжилтийн илүү үр дүнтэй аргыг нэвтрүүлнэ.
СИТИ их сургууль нь орон нутгийн тариаланчдад хүнсний аюулгүй байдал, тогтвортой хөдөө аж ахуйн талаар сургалт, семинарыг 2 удаа зохион байгуулсан.
Бид орон нутгийн тариаланчид, хүнс үйлдвэрлэгчдэд мэдлэгээ холбож дамжуулах хүрээнд Монголын тариаланчдын холбоотой хамтран орон нутгийн газар тариалан эрхлэгчид болон хүнс үйлдвэрлэгчид харилцан туршлага солилцох, мэдлэгээ өргөжүүлэх арга хэмжээг жилд 1 удаа зохион байгуулсан. Энэ нь арга хэмжээнд нийт 2 аймгийн 121 төлөөлөгч оролцож туршлагаа хуваалцлаа.
Манай сургууль нь тогтвортой газар тариалангийн практикийг сайжруулахын тулд орон нутгийн тариаланчид үйлдвэрлэгчдийг бүх талаар дэмждэг. Тухайлбал, Баянзүрх дүүрэгт байрлах “Green gobi” ТББ-тай байгуулсан санамж бичгийн дагуу тус байгууллагын ажилчдын хурал, зөвлөгөөн зохион байгуулахад 3 удаа үнэгүй анги танхимаар хангасан байна.
СИТИ их сургууль дотоодын, тогтвортой эх үүсвэрээс бүтээгдэхүүн худалдан авахыг урьтал болгодог бөгөөд хоолны газар нь хоол, хүнсний голлох бүтээгдэхүүн болох мах, сүү, жимс ногоо зэргийг 100% орон нутгийн хүнсний үйлдвэрлэгчдээс худалдан авдаг. Ийнхүү чанар, стандартад нийцсэн бүтээгдэхүүнийг хэрэглэсэн нь багш, ажилтан, оюутнуудын эрүүл мэндэд сайнаар нөлөөлж ажлын бүтээмж дээшилсэн.
