Монгол Улсад хөгжөөн дэмжигчдийн спортыг эрчимтэй хөгжүүлэх, Монгол хүний авьяас, ур чадварыг нээн илрүүлж, багаар ажиллах чадвар, эв нэгдлийг эрхэмлэн энэхүү спортоор хичээллэж буй тамирчдаас насны ангилал бүрд Монгол Улсын шигшээ багийг гарган олон улс, тив, дэлхий, олимпын наадамд өрсөлдөхүйц, өндөр зэрэглэлийн тамирчдыг тасралтгүй бэлтгэх, хөгжөөн дэмжигчдийн спортоор эх орноо дэлхий дахинд сурталчилах зорилготойгоор зохион байгуулагддаг “UB 2024 CHEERLEADING CHAMPIONSHIPS” улсын аварга шалгаруулах тэмцээн амжилттай зохион байгуулагдлаа.
Энэхүү тэмцээнд “Open РОМ Double” төрөлд “СИТИ” Их сургуулийн Урлагийн сургуулийн Ярих урлагийн багш Г.Ган-Очир дасгалжуулагчтай “СИТАРА" баг тамирчид дэд байр, гутгаар байр эзэлж, “ICU World cup 2025” хөгжөөн дэмжигчдийн спортын нээлттэй тэмцээнд эх орноо төлөөлж оролцох эрхтэй боллоо.
Багш дасгалжуулагч, баг тамирчдад халуун баяр хүргэж, сурлага, урлаг, спортын өндрөөс өндөр амжилт хүсье.
